بظاہر ایک عام صورت،
مگر دل کی تہہ میں ایک عہدِ پوشیدہ سلگتا تھا،
ایک خواہشِ جاں گداز جو سرحدوں کی خاک سے ہمکلام رہتی تھی۔
وہ ایک عہد
کہ جان قربان ہو اور نام ابدی ہو۔
وہ خواہش۔۔۔
کہ خون بہے اور مٹی خوشبو سے مہک اُٹھے۔
پھر یکایک وہ خاک سے اُٹھا
اور عرش کی رفعتوں تک جا پہنچا۔
کہ بخت اس کا بلند تھا،
اور تقدیر نے اس کے نصیب میں پروازِ لامحدود لکھی تھی۔
وہ رموز و کنایات میں بارہا اپنا حال کہتا رہا،
دبی آواز میں اپنی راہ کے چراغ دکھاتا رہا،
پر کوئی نہ سمجھ سکا۔
یوں اس کا عہد، اس کی خواہش، اس کے اشارے۔۔۔
سب ابد کے سینے میں ثبت ہو گئے،
اک معمّا، اک سرگوشی،
جو آج بھی اہلِ دل کو بے چین رکھتی ہے۔
