Bazi Kadah Novel Episode 2 by Saniya Umair
Bazi Kadah is a Urdu Romantic Novel by Sania Umair Publishing in Khawateen Digest.
Meet The Author
Bazi Kadah is a Urdu Romantic Novel by Sania Umair Publishing in Khawateen Digest.
ناول: بازی کدہ از سنیہ عمیر
پہلی قسط
تبصرہ نگار: اقراء عنایت
خواتین ڈائجسٹ فروری ۲۰۲۶
پہلی قسط اس قدر پسند آئی کہ اب دوسری قسط کا شدت سے انتظار ہے۔ سنیہ عمیر نے ناول کی شروعات ہی کچھ اس انداز میں کی ہے کہ پہلی ہی قسط میں کرداروں سے گہری وابستگی ہو جاتی ہے۔
خاص کر فواد، کیا کردار ہے۔اتنی غربت کے باوجود اللہ کا شکر ادا کرنا، اس کی نعمتوں کو گننا اور تھوڑے پر صبر کرنا اس کی شخصیت کا سب سے خوبصورت پہلو ہے۔ غربت کے باوجود نہ اسے دولت کی ہوس ہے اور نہ ہی وہ کسی غلط راستے سے پیسہ کمانے کی خواہش رکھتا ہے۔ وہ ایک خوددار اور ذمہ دار بیٹا اور بھائی ہے جو اپنی ضروریات پر اپنے گھر والوں کی ضرورتوں کو ترجیح دیتا ہے۔
دوسری جانب کہانی کی مرکزی کردار (FMC) راحین گیلانی ایک امیر خاندان کی مغرور لڑکی، مگر اس کا کردار صرف ایک مغرور امیر زادی تک محدود نہیں۔ پہلی ہی قسط میں اندازہ ہو جاتا ہے کہ اس نے اپنے گرد ایک مضبوط خول چڑھا رکھا ہے تاکہ اس کے اندر کے زخم اور تکلیفیں کوئی نہ دیکھ سکے۔
فواد اور راحین کے سین مزے کے تھے اور جلد ہی ان کے بیچ ایک بانڈنگ بھی بن گئی۔ مگر قسط کے اختتام پر کینسر والا ٹوئسٹ ان پریڈکٹیبل تھا۔اب دیکھنا یہ ہے کہ راحین اپنی اس بیماری کا ڈٹ کر مقابلہ کرتی ہے یا بغیر لڑے ہی ہار مان لیتی ہے۔
Kar Chale Jaan Nisar Hum is a Haveli based | Strong Female Lead Based | Friendship Based | Suspense Based | Crime Mystery Based | Strangers to Lovers Based by Sania Umair Publishing in Khawateen Digest.
ناول: کر چلے جانثار ہم از قلم سنعیہ عمیر
قسط نمبر ۷
خواتین ڈائجسٹ دسمبر ۲۰۲۵
کہانی تقریباً اپنے اختتام کے قریب ہے۔اس قسط کو پڑھتے ہوئے بار بار یہ احساس ہوتا ہے کہ بشّار شاید سب کچھ سنبھال لے گا، حالات کو درست کر دے گا، مگر نہ جانے کیوں اس کا اپنا انجام خوشگوار نظر نہیں آتا۔ مصنفہ نے اس موڑ پر کہانی کو اس قدر جذباتی اور سنجیدہ بنا دیا ہے کہ قاری ہر کردار کے لیے دل سے دعا کرنے لگتا ہے۔
بطور قاری میری دلی خواہش ہے کہ دُرِ ثمین اور بشّار کو آخرکار ایک خوشگوار انجام نصیب ہو، کیونکہ ان دونوں کے حصے میں پہلے ہی بہت آزمائشیں آ چکی ہیں۔ اسی طرح لائبہ اور اویس کی کہانی بھی کسی سکون بھرے موڑ پر ختم ہو
میں سوچتی ہوں کہ آخری قسط میں شاید کچھ قربانیاں سامنے آئیں، کچھ سچ بے نقاب ہوں ۔ یہ ناول اس مرحلے پر پہنچ چکا ہے جہاں ایک مضبوط، یادگار اور قدرے درد بھرا انجام اسے دیر تک یاد رہنے والی کہانی بنا سکتا ہے۔ اب دیکھنا یہ ہے کہ مصنفہ قاری کی توقعات پر پورا اترتے ہوئے ہمیں مسکراہٹ دے جاتی ہیں یا آنکھوں میں نمی چھوڑ کر الوداع کہتی ہیں۔
Kar Chale Jaan Nisar Hum is a Haveli based | Strong Female Lead Based | Friendship Based | Suspense Based | Crime Mystery Based | Strangers to Lovers Based by Sania Umair Publishing in Khawateen Digest.
ناول: کر چلے جانثار ہم از سنیعہ عمیر
قسط نمبر 6
اشاعت: خواتین ڈائجسٹ نومبر ۲۰۲۵
تبصرہ نگار: اقراء عنایت اللہ
اس قسط میں بالآخر بشّار پر یہ حقیقت منکشف ہو ہی گئی کہ وہ مہراب خان کی محبت میں ان کی شفقت حاصل کرنے کی خواہش کے باعث ان کے غلط کاموں کو بھی خاموشی سے برداشت کرتا رہا۔ اور سب سے ہولناک سچ تو یہ آشکار ہوا کہ بستی اور اس کے والدین کا اصل قاتل بھی کوئی اور نہیں بلکہ خود مہراب خان ہے۔
دُرثمین کو بچا تو وہ لایا ہے، مگر اب یہ فکر کھائے جا رہی ہے کہ وہ خود مہراب خان کے چنگل سے آخر کیسے بچے گا۔ مجھے تو اگلی قسط کا بےحد انتظار رہے گا۔
دوسری طرف لائبہ اور اویس کے سینس بہت کیوٹ ہیں بلکہ مرکزی جوڑی سے زیادہ پیارے لگتے۔ مگر لائبہ کا کردار کہیں نہ کہیں کچھ غیر حقیقی اور غیر ضروری طور پر سادہ لوح محسوس ہوا۔
دوست سے مخلص ہونا اپنی جگہ، مگر اس کا یہ مطلب ہرگز نہیں ہوتا کہ انسان خود بھی خطرات میں کود جائے یا کسی ایک کو بچانے کے چکر میں اپنا نقصان کر بیٹھے۔
اوپر سے وہ ایک متوسط طبقے کے سخت خیال گھرانے سے تعلق رکھتی ہے، جسے پڑھائی کی اجازت بھی بڑی مشکل سے ملی۔ ایسے میں اپنے ہوسٹل سے دور، ایک نامحرم کے ساتھ، ایک دوسری بستی، وہ بھی خطرناک علاقے کا سفر کرنا سراسر بےوقوفی محسوس ہوتی ہے۔
امید ہے کہ آنے والی قسطوں میں لائبہ کے کردار میں
maturity اور بہتر character development
نظر آئے گی۔
Kar Chale Jaan Nisar Hum is a Haveli based | Strong Female Lead Based | Friendship Based | Suspense Based | Crime Mystery Based | Strangers to Lovers Based by Sania Umair Publishing in Khawateen Digest.
کر چلے جانِ نِسار ہم از قلم سنیعہ عمیر
قسط نمبر۱ تا ۵
شائع شدہ: خواتین ڈائجسٹ، ستمبر ۲۰۲۵
ناول اچھا جا رہا ہے، مگر اگر کہانی کی رفتار تھوڑی تیز ہو جائے تو مزید لطف آئے گا۔ درِ ثمین نے اپنی ماں کے لیے آزادی حاصل کرنے کے لیے خود کومحراب خان کی قید میں دے دیا۔ محراب خان کی طرف سے کوئی یقین نہیں کہ وہ کب اس کی شادی زمان سے کروا دیں گے۔ زندگی پہلے بھی آسان نہیں تھی اور اب مہراب خان کی حویلی میں رہ کر آگے بھی آسان ہونے والی نہیں۔ لائبہ کی حرکت پر غصّہ آ رہا ہے۔اتنا کوئی بے وقوف نہیں ہوتا کہ مشکل سے پڑھائی کی اجازت ملتے ہی،بغیر بتائے وہ درثمین کے پاس چلی گئی۔ اب اس کی حفاظت اللہ ہی کرے۔
Bazi Kadah by Saniya Umair.
Bazi Kadah is a Urdu Romantic Novel by Sania Umair Publishing in Khawateen Digest.
Views: 47
Reviews
There are no reviews yet.