رِهاف کی کہانی چند کرداروں کے گرد بُنی گئی ہے رِهاف مراد خان، ابراہیم زاہد خان، زین العابدین، زرمینہ، سفیرہ طاہر خان اور جواد طاہر خان۔ اس پوری داستان کا مرکزی خیال سروائیول، یعنی بقا ہے۔
رِهاف… وہ لڑکی جو اس کہانی کی مرکزی کردار ہے، اور جن لوگوں سے اس کی زندگی جڑی ہے، وہ سب اس کہانی میں ایک نہ ایک رنگ بھرتے ہیں۔ رِهاف کی زندگی میں کوئی ایسا ہے جو اسے ڈراتا ہے، دھمکاتا ہے اور مختلف طریقوں سے اس کے وجود کو لرزا دیتا ہے۔ مسائل کا بوجھ اس کے کندھوں پر ہے، مگر پھر بھی وہ اب تک مضبوطی سے کھڑی ہے۔
اب سوال یہ ہے… کیا وہ آنے والے وقت میں بھی اپنی جگہ جما کر کھڑی رہ سکے گی؟ یا پھر کسی مقام پر اس کی ہمت ڈھے جائے گی؟
