”نہ پھوپھو کا پتہ معلوم ہے، نہ ان کا نمبر یاد رہا اور چل پڑی تہزیب بی بی، پھوپھو کے گھر چھاپہ مارنے کاش! میرا بھی کوئی منکوحہ جہان سکندر جیسا ہوتا، جو میرا سایہ بن کر میرا پیچھا کرتا، مجھے غیر محفوظ راہوں سے بچانے اپنا فرائی پین لے کر پہنچ جاتا۔“وہ خود کو کوس رہی تھی۔ اسے کیا سوجھی کہ ماموں کے بغیر تنہا سفر کرنے نکل پڑی، جبکہ وہ جانتی تھی کہ حقیقت میں کوئی جہان سکندر اسلام آباد میں اس کا منتظر نہیں تھا۔
”تمیزدار رولر کوسٹر!“ تبھی کسی نے اس کے سامنے چٹکی بجائی۔ داؤد کا چہرہ اپنی نظروں کے سامنے دیکھ کر اس کا دل رو دینے کو چاہا۔
”تہزیب حمزہ نام ہے میرا۔“دانت پیستے ہوئے اپنا بیگ سنبھالتے وہ پیچھے مڑی۔
” رکو، کہاں جا رہی ہو، چڑیل؟“ اپنے پیچھے اسلام آباد کے شہزادے کی پکار پر وہ رکی۔
”کسی پہاڑ سے کودنے۔۔۔بتا دیجیے، کون سا سب سے بلند ہے تاکہ سہولت سے یہ کام سرانجام دے پاؤں۔“
بغیر پلٹے وہ جل کر بولی۔
”ابھی ہم اسلام آباد والے اتنے بےمروت نہیں ہوئے کہ اپنی دہلیز پر آئے مہمانوں کو یوں خودکشی کا ویزا دینے لگیں۔“وہ مسکراہٹ ضبط کرتے ہوئے بولا۔
حسد ایک خاموش مگر مہلک دشمن ہے
جو دل اور روح کو اندر ہی اندر کھوکھلا کر دیتا ہے۔
یہ روح کے سکون پر حملہ آور ہو کر اسے بے قابو کر
دیتا ہے
اور دماغ میں کانٹے کی طرح چبھتا رہتا ہے۔
یہ حقیقت کو جھوٹ کے پردے میں چھپا دیتا ہے
اور دل کی نرمی کو سختی اور بغض میں بدل دیتا ہے۔
یہ آنکھوں میں ایسی تیزی پیدا کرتا ہے
جو محبت اور خیرخواہی کے جذبات کو مٹا دیتی ہے۔
حسد ایک ایسا سایہ ہے جو دیکھتا ہے، انتظار کرتا ہے
اور موقع ملتے ہی وار کر دیتا ہے۔
یہ دوسروں کی خوشیوں پر نظر رکھتا ہے
اور ان کی کامیابیوں کو زہر سمجھ کر نگل لینا چاہتا ہے۔
یہ دلوں میں نفرت کے بیج بوتا ہے،
جو بڑھ کر اندھیروں کے جنگل میں تبدیل ہو جاتے ہیں
اور حسد کرنے والے کو بھی نگل لیتے ہیں۔
حسد سے بچو! یہ نہ صرف دوسروں کو نقصان پہنچاتا ہے
بلکہ تمہاری اپنی روح کو بھی تاریکی میں دھکیل دیتا ہے۔
اپنے دل کو محبت، خلوص، اور خیرخواہی سے روشن
رکھو،
کیونکہ یہی حسد کا سب سے طاقتور علاج ہے۔
