Thore Se Bure Hum Bhi is a Cousin Marriage Based | Social Issues Based | Strangers to Lovers | Past Story Based | Family Drama Based Novel by Aasiya Raees Khan Published in Kiran Digest 2025.
ناول: تھوڑے سے برے ہم بھی از آسیہ رئیس خان
ماہنامہ کرن ڈائجسٹ، اکتوبر ۲۰۲۵
تبصرہ : اقراء سومرو
آسیہ رئیس خان کا ناول تھوڑے سے برے ہم بھی ایک بہت خوبصورت اور دل کو چھو لینے والی کہانی ہے۔ اس میں صرف محبت نہیں بلکہ رشتوں کے احساس، غلط فہمیوں اور معافی جیسے جذبوں کو بھی بڑی سادگی سے دکھایا گیا ہے۔
کہانی کی مرکزی لڑکی قدسیہ ہے۔ اس کے والد کے انتقال کے بعد اس کی زندگی بدل جاتی ہے۔ اس کی دادی چاہتی ہیں کہ قدسیہ اور اس کی ماں ہمیشہ ان کے پاس رہیں، لیکن اس کے نانا اپنی بیٹی سلطانہ کا گھر بسانا چاہتے ہیں، جو بالکل ٹھیک بات تھی۔ دادی کی ضد نے نہ صرف قدسیہ کو اس کے ددھیال سے دور کر دیا بلکہ نانا، ماں، ماموں اور خالہ سب کو مشکل میں ڈال دیا۔
مصنفہ نے بڑی خوبصورتی سے یہ بتایا ہے کہ کبھی کبھی ہم اپنے کسی پیارے کو اپنے پاس رکھنے کی کوشش میں ایسے رویّے اختیار کر لیتے ہیں کہ وہ ہم سے دور ہو جاتا ہے۔
قدسیہ کا برسوں بعد اپنے ددھیال والوں سے دوبارہ ملنا اس کے لیے بہت مشکل لمحہ تھا، کیونکہ وہ ان کے بارے میں بہت کچھ منفی سن چکی تھی۔ مگر زندگی میں رشتے نبھانے کے لیے کبھی ہمیں معافی مانگنی پڑتی ہے، اور کبھی معاف کرنا سیکھنا ہوتا ہے۔
کہانی کا پیغام بہت خوبصورت ہے۔ ہم ہر وقت سب کو خوش نہیں رکھ سکتے، اور کبھی کبھار ہم ان لوگوں کو بھی دکھ دے بیٹھتے ہیں جن سے ہمیں سب سے زیادہ محبت ہوتی ہے۔ رشتوں میں ضد سے زیادہ اہم محبت، صبر اور درگزر ہے۔
