آپ نے اپنی زندگی میں بہت سی کہانیاں سنی ہوں گی قصے سنیں ہوں گے۔۔ کچھ قصے کہانیاں آپ کو دلچسپ لگی ہوں گی کچھ آپ پر گراں گزری ہوں گی لیکن محبت کے قصے انسان نے بہت ہی کم سنیں ہوتے ہیں اور یہ بات بےتکی ہی ہو گی کہ “محبت کا قصہ “ہو اور کوئی دلچسپی نہ لے۔۔ خیر ہم بات کرتے ہیں لفظ “محبت” کی۔ یہ ایک ایسا لفظ ہے جو ہر انسان نے ہی سن رکھا ہے اور ہر کسی کے نزدیک اس کے بہت سے معنی ہوں گے۔ ہر کسی نے اسے اپنے طریقے سے بیان کیا ہے۔ میرے نزدیک:
محبت محض ایک لفظ تو نہیں ہے۔۔
یہ تو ایک داستان ہے۔۔ مکمل یا ادھوری۔۔
محبت ایک پھول ہے۔۔
وہ پھول جو ہر باغ میں نہیں کھلتا۔۔
محبت ایک خالص جذبہ ہے۔۔
اور خالص جذبہ مخلص لوگوں کے لیے ہوتا ہے۔۔
محبت تو نصیب کا کھیل ہے۔۔
یہ تو تقدیر کا تماشا ہے۔۔
اور جو تقدیر میں لکھ دیا گیا۔۔
سو لکھ دیا گیا۔۔
محبت چرائی نہیں جا سکتی۔۔
چھینی نہیں جا سکتی۔۔
اگر محبت تمہاری ہے تو ہر حال میں تمہاری ہے۔۔
اگر نہیں ہے تو چاہے جان دے دو۔۔
یا جان لے لو وہ تمہاری نہیں ہے۔۔
محبت میں سر کو خم کر دیا جاتا ہے۔۔
مان رکھ لیا جاتا ہے۔۔
تو جس نے اسے چھیننے کی کوشش کی۔۔
وہ خالی ہاتھ رہ گیا۔۔
بازی تو وہ لے گیا۔۔ جس نے قربانی دے دی۔۔
