Ibtihal is a Social Romantic Novel by Husna Hussain Publishing in Khawateen Digest.

ابتہال از حُسنی حسین
قسط ۲
تبصرہ نگار: اقرا عنایت
خواتین ڈائجسٹ ۲۰۲۶

بلاشبہ حُسنیٰ حسین کا یہ ناول بھی میرے پسندیدہ ناولز کی فہرست میں شامل ہونے جا رہا ہے۔ ان کا طرزِ تحریر ہمیشہ کی طرح دل کو چھو لینے والا ہے۔ جس خوبصورتی سے وہ اپنے کرداروں کے جذبات، احساسات اور باطنی کیفیات کو لفظوں میں ڈھالتی ہیں، وہ واقعی قابلِ تعریف ہے۔
اس قسط میں چند نئے کرداروں کا اضافہ کہانی کو مزید دلچسپ بنا رہا ہے۔ ہر نیا کردار اپنے ساتھ تجسّس لے کر آیا ہے، جس سے پلاٹ میں گہرائی محسوس ہوتی ہے۔
ابتہال میری پسند یدہ کردار بنتی جارہی۔ اور مجھے امید ہے کہ آگے چل کر اس کے کردار میں منفی پہلو نہیں آئے گا بلکہ وہ مزید مضبوط اور مثبت انداز میں ابھرے گی۔
میرال اور شاہزیب کے ماضی کے حوالے سے بھی بے حد تجسّس پیدا ہو گیا ہے۔ ان کے درمیان کیا راز چھپے ہیں؟ دوسری جانب دلربا کے عزائم ایک انجانا خوف پیدا کر رہے ہیں کہ وہ آگے جا کر شاہزیب کے ساتھ کیا کرنے والی ہے۔
کہانی میں سوالات ہی سوالات ہیں، اور تقریباً ہر کردار اپنے اندر کوئی نہ کوئی راز سموئے ہوئے ہے۔ اب دیکھنا یہ ہے کہ آنے والی اقساط میں کون کون سے نئے موڑ اور حیران کن ٹوسٹس سامنے آتے ہیں۔

Ibtihal is a Social Romantic Novel by Husna Hussain Publishing in Khawateen Digest.

 ناول: ابتہال از قلم حسنی حسین
تبصرہ نگار؛ اقراء عنایت
قسط نمبر ۱
خواتین ڈائجسٹ جنوری ۲۰۲۶

حسنہ حسین کے ناول کا شدت سے انتظار تھا کہ وہ کب اپنا قسط وار ناول پیش کریں گی، اور اُن کے نئے سلسلہ وار ناول” ابتہال‘‘کی پہلی قسط پڑھ کر ہرگز مایوسی نہیں ہوئی۔

چونکہ یہ ابھی ابتدائی قسط تھی، اس لیے کہانی فی الحال پراسرار سی محسوس ہوتی ہے۔ ہر کردار کے ساتھ کچھ نہ کچھ راز جڑے ہوئے ہیں جو آگے چل کر کہانی کے بڑھنے کے ساتھ ساتھ واضح ہوں گے۔

کہانی صرف ایک یا دو کرداروں کے گرد نہیں گھومتی بلکہ اس میں کئی اہم کردار شامل ہیں، جن میں سے ہر ایک کی اپنی الگ کہانی اور ماضی ہے۔ تاہم ابتہال کا کردار مجھے بے حد پسند آیا، نڈر، بے باک اور مضبوط۔
اگرچہ کئی مقامات پر اُس کی باتیں اور نفرت کے اظہار غلط محسوس ہوتے ہیں، مگر بہت سی جگہوں پر اُس کا مؤقف درست بھی لگتا ہے۔
اب اگلی قسط کا شدت سے انتظار رہے گا۔