یہ داستانِ عشق ہے ۔ وہ عشق جس کی تاثر منکرین کو آہستہ آہستہ اپنی گرفت میں لیتی ہے۔ اور پھر ان کے پاس اسی عشق کو اوڑھ لینے کے سواء کوٸ چارہ نہیں ہوتا۔ اس کہانی کے کردار آپ کو یہی عشق اوڑھتے نظر آٸیں گے۔ کچھ خاموش محبتیں جن کی خاموشی فضا میں رقص کرنے لگتی ہے۔ لیکن انسان ٹھہرا صدا کا نافہم جو اس خاموشی کو محسوس کرنے میں صدیاں لگا دیتا ہے۔ ماضی کے کچھ ایسے ناسور جو وبال جان بن جاتے ہیں۔ اور پھر صدیوں تک پیچھا نہیں چھوڑتے۔
زندگی میں کچھ خواہشیں کچھ چاہتیں چند واقعات کی نظر ہو کر حسرت بن کر رہ جاتی ہیں۔۔کہانی کرداروں کی جستجو اور چاہتوں کے گرد گھومتی نظر آتی ہے، جو کسی نہ کسی مقام پر پوری ہوتی ہیں یا دل میں دبی حسرت ہو کر رہ جاتی ہیں۔۔
یہ کہانی ہے اورہان ابتسام کی جسے اپنی زندگی کو آسان بنانے کیلئے ٹوٹے دل کو سنبھالتے اپنے بدترین دنوں کو اپنے بہترین دنوں کا آغاز بنانے کیلئے شدید جہدوجہد کرنی پڑی۔
یہ کہانی ہے آئنور ابصار کی جسے دور پردیس جا کر گھر بسانا پڑا۔
یہ کہانی ہے اس اڑان کی اس پرواز کی جس سے پہلے اندھیرا اور جس کے بعد سویرا تھا۔
ان رشتوں کی ان امیدوں کی جو غلط جگہ جڑے ۔ یہ کہانی ہے محبت کے احساس کی اپنوں کی اور پرائیوں کی اور بہت سے خاص لوگوں کی جن سے آپ کا خون کا رشتہ نہیں بھی ہو۔ تو بھی وہ آپ کے ساتھ ہوتے ہیں۔ آپ کے لیئےخاص ہوتے ہیں۔ آپ کے دوست ہی آپ کی پہچان ہوتےہیں۔
یہ کہانی ہے محبت کی ،وفا کی ،رشتوں کی ،اندھی خواہشوں کی اور ان کے گرد گھومتے کرداروں کی ۔
محبت ہر کوئی کرتا ہے مگر وہ محبت جب امتحان لیتی ہے تو اسکی کسوٹی پر بہت کم اہل محبت پورے اترتے ہیں ،کوئی زمانے کی سرد مہری کی بھینٹ چڑھ جاتا ہے تو کوئی اپنی خواہشوں کی قربانی دینے سے چونک جاتا ہے ۔
اور محبت ہمیشہ وفا مانگتی ہے ،قربانی مانگتی ہے اور جو اس میں کھرے اتریں ایسے لوگوں کا مسکرا کر خیر مقدم کرتی ہے ۔کیوں کہ محبت دشت وفا میں کھلنے والا انمول پھول ہے جس کی پاسبانی اور حفاظت اہل وفا ہی کرتے ہیں ۔
