کہانی ہے بھوری آنکھوں والے خوبرو نوجوان کیان علی میر کی۔۔۔ ایک ایسے لڑکے کی جو سنجیدگی کا لبادہ اوڑھے پھرتا ہے۔۔۔ ایک ایسے لڑکے کی جو اپنے جذبات کو خول میں بند کیے رکھتا ہے۔
کہانی ہے کانچ سی آنکھوں والی دوشیزہ رائینہ ابراہیم کی۔۔۔ شوخ و چنچل، من چلی اور من موجی لڑکی کی۔۔۔ ایک ایسی لڑکی کی جو اپنی پیاری باتوں سے دلوں کو اسیر کرنے کا ہنر رکھتی ہے۔۔۔ ایک ایسی لڑکی کی جو اپنی شرارتوں اور نٹ کھٹ حرکتوں سے ہنستے ہنستے لوگوں کے دلوں میں گھر کرنا جانتی ہے۔
کہانی ہے مڈل کلاس گھرانوں میں رہنے والے کچھ سادہ لوگوں کی۔۔۔
تو کچھ تلخیوں میں جکڑے لوگوں کی۔۔۔ ایسے گھرانوں کی فضا کی جہاں پیار، محبت اور مزاح کے ساتھ ساتھ دلوں میں پلنے والی رنجشیں بھی سانس لیتی ہیں۔
دو مختلف مزاج رکھنے والے
دو مختلف لوگوں کی
ایک ایسی کہانی
جہاں نہ جانے کب دھیرے دھیرے احساسات بدلتے ہیں
اور نہ جانے کب چپکے سے کسی کے نام ہو جاتے ہیں…
نہ جانے کب کوئی، کس وقت، کیسے اور کتنا ضروری بن جاتا ہے
اور نہ جانے کب دو دل خاموشی سے ایک دوسرے کے لیے دھڑکنے لگتے ہیں۔
نہ جانے کب کسی کی خاموشی بھی سنائی دینے لگتی ہے
اور کسی کی ہنسی دل کی سب سے بڑی کمزوری بن جاتی ہے۔
کہ کسی کو اس بات کا ادراک بھی نہیں ہوتا
اور زندگی کے لمحات
دھیرے دھیرے
زندگی بن جانے والے کے نام ہو جاتے ہیں۔
