آپ نے کبھی لوک کتھا سنی ہے؟وہ قصہ جو زمانہ قدیم میں رونما ہوا ہو۔جیسے سسی پنوں،ہیر رانجھا یا عمر ماروی کی کہانیاں۔یہ بھی ایک لوک کتھا ہی ہے جو قدیم زمانے میں سوکھی دیپ ندی کے کنارے آباد خدا کی بستی میں رقم ہوئی تھی اور جسے قلم بند کیا ہے آج کے جدید،مصنوعی ذہانت کے دور کی لکھاری نے۔
کہانی ہے ایک قحط زدہ لڑکی کی محبت کی کہ جس نے بغاوت کی چادر اوڑھ لی۔وہ جس نے پانی کا قحط کاٹا پھر جب پانی کی آمد کا شور اٹھا تو وہ اسی پانی کے خلاف اعلانِ بغاوت کر گئی۔آخر کیا وجہ تھی کہ پانی جو کہ زندگی کی مانند درکار تھا،عرصہ سے سوکھے کا شکار خدا کی بستی کے مکینوں کو،صنوبر نے اسی پانی پر بند باندھنے کیلیے بغاوت کر ڈالی۔
