“زیست کے بکھرے موتی” کہانی ہے بے لوث دوستی، ایک ایسی محبت کی جس میں کرداروں کے حصے میں وصل کے بدلے ہجر آئی۔ یہ کہانی ہے ایک ایسی معصوم موت کی جس کے بعد پیچھے زندہ رہنے والے فقط سانسیں گنتے ہیں، جانے والوں کی یادوں کے سہارے جیتے ہیں۔
ایک ایسی کہانی جس میں کرداروں کی محبت بے لوث ہوتی ہے۔ ایک ایسی محبت جس میں کردار نتائج پہ یقین رکھنے کے بجائے چاہنے پہ یقین رکھتے ہیں۔
“زیست کے بکھرے موتی” کی یہ محبت بھری کہانی اپنے میں درد سمائے، ہجر کی یادیں لیے، جانے والوں کی یادوں کے سہارے جینے والوں کی کہانی ہے۔ اس کہانی کے دو پہلو ہیں اور دونوں پہلو مختلف ادوار یعنی ماضی اور حال میں یک سمت چلتی ہوئی ہمیں دکھائی دیتی ہیں۔ کہانی کا ماضی والا حصہ ہمیں محبت، جنون، دوستی اور رشتوں کی اہمیت کے بارے میں بتاتی ہے تو وہیں کہانی کے حال والا حصہ ہمیں جانے والوں کی یادوں کے سہارے جینا کا ہنر سکھانے کی کوشش کرتی ہے۔
ایک ایسی کہانی جسے پڑھ کر قارئین کو لگے گا کہ وہ یہ کہانی جی رہے ہیں اور کہانی کے کردار انہیں حقیقی محسوس ہوں گے۔
