سفر اور ہمسفر کبھی صحیح بھی ہوتے ہیں اور کبھی غلط بھی۔ ضروری نہیں کہ سفر میں موجود ہمراہی ہی ہمسفر بھی ہوں۔ ہم اکثر اپنے سفر کے لیے غلط ہمراہ چن لیتے ہیں جو طویل راستہ کاٹنے کہ باوجود بھی ہمسفر نہیں ہوپاتے جبکہ کبھی کبھار ہمارا سفر ہی غلط ہوتا ہے، نہ منزل ہماری ہوتی ہے نہ ہمراہ ہمارے، وہ ایک لاحاصل سفر ہوتا ہے۔ لیکن اگر جو سفر اور ہمسفر صحیح مل جائے تو پھر زندگی حسین ہوجاتی ہے، یہ ایسے ہی دو مسافروں کا سفر ہے جنہوں نے غلط راہوں پہ بھٹک کر ایک دوسرے کو پایا۔
