یہ کہانی ہے ابتسام حیدر کی، جس کے معصوم بچپن کو کسی کی ہوس کی نظر لگ گئی تھی۔ چائلڈ ابیوز کے اس کربناک واقعے نے ابتسام کی شخصیت کے پرخچے اڑا دیے، یہاں تک کہ اس نے اپنے سائے اور اپنوں کے لمس سے بھی خوف کھانا شروع کر دیا۔ اس کی زندگی کا سب سے بڑا المیہ وہ دوری تھی جو اس نے پریشے حیدر سے اختیار کر لی وہ لڑکی جو نہ صرف اس کی چچا زاد تھی بلکہ بچپن سے اس کے نکاح میں بھی تھی۔

پریشے، جو لاہور کی فضائوں میں پلنے والی ایک باہمت رائٹر ہے، جس کے قلم میں حساسیت بھی ہے اور حوصلہ بھی۔ وہ ابتسام کے زخموں کو بھرنا چاہتی ہے، مگر ابتسام اپنی تلخ یادوں سے پیچھا چھڑانے کے لیے مصر کی گلیوں میں پناہ لے لیتا ہے۔ وہ بھاگنا چاہتا ہے اپنوں سے، یادوں سے اور خود سے۔لیکن تقدیر اسے دوبارہ پاکستان کی اسی چوکھٹ پر لا کھڑا کرتی ہے جہاں گھر والے اسے زبردستی پریشے کے ساتھ رخصت کر دیتے ہیں۔ ایک ایسا رشتہ جس میں ایک طرف محبت کی آس ہے اور دوسری طرف ماضی کا وہ خوف جو اسے پھر سے فرار ہونے پر مجبور کر دیتا ہے۔

اسی دوران کہانی ایک نیا موڑ لیتی ہے…

جہاں عائزہ نامی لڑکی محبت کے سراب میں اپنی زندگی برباد کر بیٹھتی ہے۔