Sun Zara is a Strangers to Lovers | Family Drama Based Novel by Aasiya Raees Khan Published in Khawateen Digest 2025.
ناول: سن ذرا از آسیہ رئیس خان
خواتین ڈائجسٹ ۲۰۲۵
تبصرہ: اقراء سومرو
آسیہ رئیس خان کے تمام ناولوں کی طرح سن ذرا بھی ایک ایسے مسئلے پر روشنی ڈالتا ہے جو ہمارے معاشرے میں عام پایا جاتا ہے۔
اکثر ایسا ہوتا ہے کہ جب والدین بیمار ہو جاتے ہیں تو ان کی خدمت اور دیکھ بھال اولاد کے لیے مشکل ہو جاتی ہے۔ روزمرہ کی مصروف زندگی میں ان کے لیے وقت نکالنا ہر کسی کے لیے آسان نہیں ہوتا۔ بعض اوقات ایسے والدین کی خدمت کی ذمہ داری گھر کے کسی ایک بچے پر ڈال دی جاتی ہے، اور باقی سب یہ سمجھ لیتے ہیں کہ یہی مناسب ہے۔ یوں وہ ایک بچہ والدین کی خدمت کے ساتھ ساتھ اپنی دیگر ذمہ داریوں کا بھی بوجھ اٹھاتا ہے، جب کہ باقی بہن بھائی اپنی زندگی میں مگن ہو جاتے ہیں۔
ناول میں بہت خوبصورتی سے یہ احساس اجاگر کیا گیا ہے کہ جو بچہ دن رات اپنے بیمار والدین کی خدمت کرتا ہے، اسے بھی تعریف، حوصلہ اور آرام کی ضرورت ہوتی ہے۔ مگر اکثر دوسرے بہن بھائی یہ بات سمجھ نہیں پاتے۔ والدین کسی ایک اولاد کی نہیں بلکہ سب کی ذمہ داری ہوتے ہیں، اور جس طرح والدین نے سب بچوں کو برابر پالا پوسا، ویسے ہی ان کی خدمت بھی سب پر فرض ہے۔
مجھے یہ ناول بہت پسند آیا کیونکہ اس میں ذمہ داریوں کے بوجھ تلے دبے انسانوں کے احساسات، قربانیاں اور چھپی ہوئی خواہشات کو نہایت پیارے اور حقیقت پسندانہ انداز میں بیان کیا گیا ہے۔
