(وہ صرف چھ سال کی تھی جب اُس نے اُسے پہلی بار اپنے گھر کے گارڈن میں دیکھا تھا، اور وہ خود اُس وقت چودہ برس کا تھا۔
وہ لڑکی اُسے پہلی ہی نظروں میں اتنی پیاری لگی کہ وہ اُسے اپنے رب سے مانگنے لگا۔
پھر اُس کی زندگی میں ایک دن ایسا آیا کہ اُس کی دعا قبول ہوگئی، اور وہ لڑکی اُس کے نام سے جُڑ گئی۔
قدرت نے اُس کے ساتھ ایسا کھیل کھیلا کہ آج وہ لڑکی اُس کے سامنے اُس کی بانہوں میں بیٹھی تھی، مگر منظر دیکھ کر اُس کا دل ٹکڑوں میں تقسیم ہوگیا، سوائے اپنے دل کو تسلی دینے کے وہ کچھ نہیں کرسکتا تھا۔
اُسے لگتا تھا کہ محبت زبردستی حاصل نہیں کی جا سکتی۔)
تمثیل لفظ عربی زبان کے مادہ “مثل ” سے ماخوز ہے جس کے معنی استعارہ یا مثال دینے کے ہیں۔ باقی ناول کے مکمل اختتام پر آپ کو اندازہ ہو جائے گا کہ میں نے اس لفظ کا انتخاب اپنے ناول کے نام کے لیے کیوں کیا۔ تمثیل میری پہلی تحریر ہے اور میرے دل کے بہت قریب ہے۔ اسے میں نے بے حد توجہ اور لگن سے لکھا ہے۔ کہانی ہے تین لکھاریوں کی۔ عشوہ مراد، مارب حسن اور ارسلان جادل کی۔ تین ایسے لکھاریوں کی جو مل کر ایک مشترکہ ناول لکھتے ہیں۔ یہ کہانی وہاں سے شروع ہوتی ہے جہاں تین لوگ ایک دوسرے کو لکھنے لگتے ہیں اور اختتام وہاں ہوتی ہے جہاں محبت “تمثیل” بن جاتی ہے۔ کیونکہ محبت ادھوری رہ جائے یا تکمیل پا جائے، بس ایک قصہ ہے۔
صراط ایک ایسی کہانی ہے جو انسان کے چلنے والے راستوں اور کیے گئے فیصلوں کے درمیان لکھی گئی ہے۔ جہاں ہر قدم
ایک امتحان ہے اور ہر فیصلہ انجام بدل دیتا ہے۔
کہانی ہے محبت ،انتقام اور بدلے کی۔
کہانی ہے آزمائش سے گزرنے والوں کی۔
کہانی ہے ایک ایسے مضبوط اور رئیس شخص کی جو خدا کو یاد رکھ کر بھی بھول جاتا ہے۔
•کہانی ہے بے چین روحوں کی۔
لك ایک افسانوی، رومانوی، سسپنس/تھرِلر اور ڈرامہ پر مبنی اردو ناول ہے۔ یہ ناول حبر کاشفی اور حورین سلیمان کی کہانی پیش کرتا ہے۔ کس طرح وہ شادی کرتے ہیں اور پھر جو مسائل ان کے سامنے آتے ہیں، ان سے کیسے نبردآزما ہوتے ہیں۔ یہ ناول خاندانی پس منظر رکھتا ہے لیکن حبر اور حورین کے چیلنجز انتہائی حیران کن اور ڈرامائی ہیں۔ جو کچھ بھی ہوتا ہے وہ آپ کو دنگ کر دے گا، اس لیے پڑھتے رہیں اور لطف اندوز ہوتے رہیں۔
یہ کہانی دو ٹوٹے دلوں کی ہے جو جُڑ کر بھی ویسے نہیں رہتے جیسے پہلے تھے۔ ایک حساس آرٹسٹ ہیروئین، جو دل ٹوٹنے کے بعد اپنے درد کو انسانوں کے بجائے اللہ سے بیان کرتی ہے، اور اپنے فن کے ذریعے روحانی شفا تلاش کرتی ہے۔ دوسری طرف، ایک پرُسکون مگر اندر سے بکھرا ہوا ہیرو، جو بچپن کی ٹوٹ پھوٹ لیے کامیاب زندگی گزار رہا ہے، مگر خود کو کبھی مکمل نہیں محسوس کر پایا۔ دونوں کی زندگی اس وقت جُڑتی ہے جب ہیروئین اُس کی ذاتی آرٹسٹ بن کر اُس کی دنیا میں داخل ہوتی ہے۔ زخمی دل ایک دوسرے کی قربت میں سکون پاتے ہیں، مگر ماضی کے زخم، نفرت، اور انتقام کی صورت میں سب کچھ بدلنے آ جاتے ہیں۔ یہ صرف محبت نہیں، بلکہ شفا، یقین، اور دوبارہ جینے کی کہانی ہے۔
