یہ کہانی ہے بُروج کی—ایک بیٹی، جو اپنے والد کی پراسرار موت کے بعد صرف ایک سوال لے کر جی رہی ہے: “میرے بابا کو کس نے مارا؟”
بُروج کا سفر صرف انتقام کا نہیں، وہ عدل کی تلاش ہے… ایسی سچائی کی جو سالوں سے مٹی تلے دبی تھی، جسے طاقتوروں نے دولت، سیاست اور خوف کے تانے بانے میں قید کر رکھا تھا۔ یہ صرف ایک لڑکی کی جدوجہد نہیں، یہ ان سب کی جنگ ہے جو انصاف مانگنے کی ہمت نہیں کرتے، جو ظلم سہہ کر بھی چپ رہتے ہیں۔
یہ اُن ان کہی صداؤں کا بیان ہے جنہیں دبانے کی ہر ممکن کوشش کی گئی۔
یہ اُن چہروں کا سراغ ہے جو نقابوں میں چھپے بیٹھے ہیں۔
یہ اُن قدموں کی چاپ ہے جو ظالموں کے دروازے تک پہنچنے والی ہے۔
اور جب ایک بیٹی، اپنے باپ کے خون کا حساب مانگتی ہے…
