گل بانو رند، مکران کے سردار کی اکلوتی بہن، سخت اصولوں والے رند خاندان میں پلتی ہوئی ایک معصوم اور دل کی صاف لڑکی تھی۔ اس کی زندگی ایک چھوٹی سی خطا کی وجہ سے بدل گئ۔۔ایک محبت جسے وہ اپنے دل کی ضرورت سمجھتی تھی مگر جسے رند خاندان گناہ اور شرمندگی تصور کرتا تھا۔ یہی محبت، جسے عام لوگ احساس اور جذبات کا نام دیتے ہیں، گل بانو کے لیے مصیبت بن گئی اور اس کے خاندان کے تقدیر پر ایسا اثر چھوڑا کہ نہ صرف اس کی بلکہ رند خاندان کی زندگی بھی اجڑ گئی۔

 یہ فقط ایک داستانِ محبت نہیں، بلکہ انسانی دل کی گہرائیوں میں اترنے کی ایک کاوش ہے۔ اس میں جذبوں کی وہ کیفیتیں سمونے کی کوشش کی گئی ہے جو کبھی زخم بن کر دل کو رلاتی ہیں اور کبھی مرہم بن کر زندگی کو جینے کا حوصلہ دیتی ہیں۔

یہ ناول قاری کو صرف کرداروں کے سفر میں شریک نہیں کرتا بلکہ اسے آئینے کی طرح اپنے اندر جھانکنے پر بھی مجبور کرتا ہے۔ “بساطِ عشق” میرے قلم کی وہ جستجو ہے جو چاہتی ہے کہ محبت کو اس کی اصل عظمت، اس کی قربانی اور اس کی لطافت کے ساتھ آپ کے دلوں تک پہنچایا جائے۔