مزاح، محبت، دوستی، حسد، اور انتقام کے رنگوں سے مزین یہ ولولہ انگیز داستان میرے دل کے بہت قریب ہے۔

زندگی ہم سے بہت سے امتحانات لیتی ہے اور ان امتحانوں پر ہمارا رد عمل دنیا اور آخرت میں ہماری جگہ کا تعین کرتا ہے۔ ایسے ہی بہت سے امتحان اس ناول کے کرداروں نے بھی جھیلے لیکن سب کا مختلف رد عمل آپ کے دل میں اپنی مختلف جگہ بنائے گا۔

فکشن ناول عام طور پر محبت کے موضوع پر ہی لکھے جاتے ہیں۔ یہاں بھی محبت کو ہی موضوع بنایا گیا ہے لیکن محبت کے ساتھ عزت نفس کی کیا حیثیت ہے یہ پیغام اس ناول کے ذریعے آپ تک پہنچانے کی کوشش کی ہے۔

بظاہر یہ ایک مرڈر مسٹری ہے لیکن در حقیقت اس قتل سے ملنے والی کڑیاں بہت سے ایسے راز کھولتی نظر آئیں گی جن کا اندازہ قاری کو پورے ناول کے دوران نہیں ہو سکتا۔