بارش کی وجہ سے سب بری طرح بھیگ چکے تھے۔۔۔ بھیگ تو وہ بھی رہا تھا۔۔۔۔ مگر اسے اپنی کوئی پرواہ نہیں تھی

سب نے وشہ کو دیکھا جو آنکھیں پٹ سے کھولتی انھیں جانے سے منع کر رہی تھی۔۔۔

سنا نہیں تم سب نے۔۔۔۔ جاؤ اندر اور زیاف لے کر جاؤ واپس سیڑھی۔۔۔،۔ مجھے دوبارہ بات دہرانی نہ پڑے ۔۔

رزم نے اپنی رعب دار آواز میں سب کو حکم صادر کیا۔۔۔

سب نے ترحم بھری نظروں سے وشہ کو دیکھا جو ہلکے ہلکے نفی سے سر ہلا رہی تھی۔۔۔۔۔ پھر رزم کو دیکھ کر سب ایک ایک کر کے جانے لگے۔۔۔۔

میں کیسے اترونگی۔۔۔ہاں۔۔۔ پلیز رکو سب۔۔۔۔وشہ غصے سے چیخی۔۔

وشہ کی آواز پر سب نے ایک بار پھر اسے دیکھا۔۔۔میری آپی کا اب اللہ‎ ہی حافظ ہے حنان بڑبڑاتا افسوس سے سر جھٹکتا چلا گیا۔۔۔۔

اف اللہ‎ میرے ہاتھ پھسل رہے ہیں۔۔۔۔ بچاؤ مجھے پلیز۔۔ وشہ چیخ رہی تھی۔۔۔ جب کے رزم سکون سے کھڑا رہا۔۔۔

چلاؤ مت اب یہاں کوئی نہیں آئے گا۔۔۔ رزم نے سکون سے کہا۔۔۔۔۔زیاف سیڑھی رکھ کر بھاگتا ہوا آرہا تھا۔۔۔۔

جب رزم نے اسے ہاتھ کے اشارے سے پلٹ جانے کو کہا۔۔۔۔

وشہ بےبسی سے اسے دیکھنے لگی۔۔۔ جو بھائی کے اشارے سے چپ چاپ مڑ کر چلا گیا۔۔۔

یا اللہ‎ موت کا فرشتہ ہی بھیج دیں۔۔۔ یہ تو جلاد ہوگئے ہیں۔

وشہ روہانسی ہو رہی تھی۔۔۔۔ جب رزم کی آواز اسکے کانوں میں پڑی۔

باتیں کرتی تھکتی نہیں ہو۔۔۔ جو خود سے بھی باتیں کرتی رہتی ہو۔۔۔۔اس کی بات سن کر وشہ نے تپ کر جھٹکے سے پیچھے اسے دیکھنا چاہا۔۔۔ مگر برا ہوا ۔۔۔،۔۔۔ ہاتھ پھسل گیا۔۔۔